"Ukraynada işğala son qoymaq üçün addım atacağıq" - Litvadan Rusiyaya MESAJ
Dünya
12:36 / 04.05.2021
2166
Litva prezidenti Qitanas Nauseda ölkəsinin Ukraynaya tam dəstək verdiyi bildirərək Rusiyanın Krımı ilhaq etməsini əsla tanımayacaqlarını qeyd edib.
Sfera.az xəbər verir ki, o, bu haqda Polşa-Litva Birliyinin qurulmasının 230-cu ildönümü münasibətilə Varşavada təşkil olunan tədbirdə danışıb.
Ukrayna, Polşa, Litva, Latviya və Estoniya prezidentlərinin iştirakı ilə keçirilən sammitdə çıxış edən Q. Nauseda "Litva heç vaxt Krımın qeyri-qanuni ilhaqını tanımayacaq və Ukraynanın şərq hissəsinin faktiki işğalına son qoymaq üçün addımlar atacaq”, - deyə bildirib.
Litva pezidenti, həmçinin Belarusdakı azadlıq mübarizəsini dəstəklədiyini və Moskvanın təsir metodlarına əsla icazə verməyəcəklərini diqqətə çatdıraraq "21-ci əsrin Avropasında müstəqil ölkələrin suverenliyini təhdid edən yeni təsir vasitələrinə yer yoxdur", - deyə əlavə edib.
Əzizə Zeynal
Sfera.az
