Rusiyaya daha bir zərbə İsveçdən gəlir – Sanksiya hazırlığı
12:18 / 03.05.2021
1750
Çex Respublikasından sonra İsveç də Rusiyaya qarşı sərt
tədbirlər planlaşdırır.
Sfera.az Rusiya mətbuatına istinadla xəbər verir ki,
İsveçin millət vəkili Hans Vallmark, Xarici işlər naziri Ann Lindeyi Çexiya ilə
həmrəylik əlaməti olaraq Rusiyaya qarşı məhdudlaşdırıcı tədbirlər tətbiq etməyə
çağırıb.
Xarici işlər nazirinə müraciətində millət vəkili
Stokholmun diplomatik qalmaqala "təmkinlə” reaksiya verdiyini və Praqanın
Moskvanın əleyhinə "kollektiv həmrəylik aksiyası” keçirmək xahişini təmin etməyə
tələsmədiyini qeyd edb.
"İsveç tərəfindən
də Rusiya səfirliyi əməkdaşlarına
qarşı yönəlmiş tədbirlərin həyata keçirilməsinə və ya AB daxilində bu sahədə fəaliyyətlərin
əlaqələndirilməsi cəhdlərinə dair heç bir işarə yoxdur", - deyə deputat
vurğulayıb.
Qeyd edək ki, az əvvəl Rusiya Xarici İşlər Nazirliyi
Rusiyaya girişinə qadağa qoyulmuş AB
üzvü olan səkkiz ölkə vətəndaşının adlarını açıqladı. Siyahıya həmçinin
Avropa Parlamentinin sədri David Maria Sassoli, Avropa Komissiyası Dəyərlər və
Şəffaflıq üzrə Komissiya sədrinin müavini Vera Yurova və AŞPA-dakı Fransa nümayəndə
heyətinin üzvü Jak Mer də daxil edilib.
Moskva AB-nin 2 və
22 martda altı Rusiya vətəndaşına qarşı tətbiq etdiyi sanksiyalara cavab olaraq
belə bir qərar verib. Siyahıya İstintaq Komitəsinin sədri Aleksandr
Bastrıkinin, Rusiya Qvardiyasının direktoru Viktor Zolotovun, Baş Prokuror İqor
Krasnovun və Federal Penitensiar Xidmətin rəhbəri Aleksandr Kalaşnikovun adları
daxildir.
Xatırladaq ki, aprelin ortalarında Çex Respublikası
Rusiya xüsusi xidmət orqanlarını 2014-cü ildə Vrbetitsadaki sursat anbarında
baş verən partlayışı təşkil etməkdə günahlandırmışdı. Sözügedən partlayış iki nəfərin
ölümü ilə nəticələnmişdi. İttihamın
ardınca Rusiya səfirliyinin bir sıra əməkdaşı Praqadan qovuldu. Bu isə öz növbəsində
Rusiya tərəfdən cavab tədbirlərinə səbəb oldu və diplomatik qalmaqal yaradıb.
Selcan
Sfera.az
