Qarabağda yeni toqquşma gözlənilir – Erməni tərəfinin dünənki təxribatı nəyə hazırlıqdır?
15:09 / 22.04.2021
1426
"10 noyabrdan bu yana ilk dəfədir, atəşkəsin
intensiv pozulması barədə xəbərlər yayılır. Ermənistan Müdafiə Nazirlyinin və
ya Ermənistan Sərhəd Xidmətinin insidentlə bağlı açıqlaması yoxdur. Bunun əvəzinə
Qarabağdakı erməni separatçıları belə bir açıqlama yayıblar ki, guya Azərbaycan
ordusu Xankəndini və Əsgəranın iki kəndini atəşə tutub”.
Sfera.az-ın məlumatına görə, bunu "Atlas”
Araşdırmalar Mərkəzinin rəhbəri politoloq Elxan Şahinoğlu bu gün Ermənistanın Azərbaycanla sərhəddə təxribatlar törətməsindən
danışarkən deyib. Politoloqun sözlərinə görə, bölgədə yenidən toqquşma ehtimalı
artır:
"Ermənistan hakimiyyəti ilə erməni
separatçılarının birgə planı Azərbaycanla Rusiyanı üz-üzə qoymaqdan ibarətdir.
Ancaq buna Rusiyadakı siyasi mərkəzlərin özü də rəvac verir. Ermənistanda
görürlər ki, rəsmi Bakının Kremlə ünvanladığı sualların sayı artıb. Rusiya ilə
bağlı səslənən suallarımız bunlardır:
E.Şahinoğlu qeyd edib ki, biz həm təxribatlara
layiq cavab verməli, həm də qabaqlayıcı addımlar atmalıyıq: ""Bizdən xahiş etdilər” ifadəsi ilə cəmiyyəti
sakitləşdirmək çətindir. Ən maraqlısı odur ki, sərhəddəki insident barədə Ermənistanla
yanaşı, Rusiyadan da reaksiya yoxdur. Bunun əvəzinə, Rusiya saytları Qarabağ
separatçılarının son açıqlamasını yayıblar”.
