“Çətin proses olacaq, lakin mümkünsüz deyil” – ABŞ Silahlı Qüvvələrindən AÇIQLAMA
Dünya
14:03 / 21.04.2021
1252
ABŞ Mərkəzi Qüvvələr Komandanlığı (CENTCOM) komandiri, ordu generalı Kennet Makkenzi bir daha işğal məqsədilə Əfqanıstana girməyəcəklərini bildirib.
Sfera.az xəbər verir ki, ABŞ əsgərlərinin Əfqanıstandan çəkilməsindən sonra bu ölkədə terror təhdidləri ilə mübarizə aparmağın çətin olacağını bildirən Makkenzi bu haqda Nümayəndələr Palatasının Silahlı Qüvvələr Komitəsinin iclasında danışıb.
General bundan sonrakı missiyalarının yalnız onlar üçün real təhdid olan hədəfləri taparaq zərərsizləşdirmək olduğunu qeyd edib. O, "Bunu asan proses kimi göstərmək istəmirəm. Olduqca çətin proses olacaq, lakin mümkünsüz deyil”, - deyə ,diqqətə çatdırıb.
ABŞ-ın Əfqanıstandakı terror hədəflərinə nəzarəti başqa ölkələrdəki hərbi bazalardan həyata keçirəcəyini qeyd edən general hazırda ABŞ Müdafiə nazirinin göstərişi ilə variantlara baxmaq üçün ətraflı plan hazırladığını və onu bəzi alternativlərlə birlikdə bu ayın sonunadək nazirə hesabat şəklində təqdim edəcəyini bildirib.
Əzizə
Sfera.az
