İlon Mask “Tesla” qəzasından sonra 5 milyard dollar itirib
Maraqlı
13:00 / 20.04.2021
2701
"Tesla” elektromobilinin ABŞ-ın Texas ştatında qəzaya uğraması haqqında xəbərlərin fonunda şirkətin səhmləri ucuzlaşıb.
Sfera.az xəbər verir ki, bunun nəticəsində "SpaceX” və "Tesla” şirkətlərinin sahibi İlon Mask 5 milyard dollardan çox itki ilə üzləşib.
Maskın sərvəti sutka ərzində 5,1 milyard dollar azalıb və hazırda 174,6 milyard dollar təşkil edir. O, hazırda dünyanın üçüncü ən zəngin adamıdır.
Bir gün əvvəl "Tesla”nın səhmləri 3,4 faiz ucuzlaşaraq 714,63 dollara satılıb.
Xatırladaq ki, Texasda "Tesla” elektromobilinin ağaca çırpılması nəticəsində iki nəfər həlak olub. İlkin istintaqın nəticələrinə görə, qəza zamanı avtomobilin avtopilot rejimində olduğu ehtimal olunurdu.
Lakin Mask bu iddianı rədd edərək bildirib ki, həmin avtomobildə tam avtopilot rejimi olmayıb.
Mask həmçinin qeyd edib ki, avtomobildə avtopilotun işləməsi üçün yolda müəyyən yol nişanları olmalıdır və qəzanın baş verdiyi küçədə bu cür nişanlar olmayıb. // "Report”
