“8 Noyabr” prospektində “Zəfər” muzeyinin yaradılması da gözlənilir - FOTO
11:09 / 14.04.2021
783
Paytaxtın Xətai rayonunda yerləşən "Nobel” prospektinin və "Zığ şossesi”nin Cəmşid Naxçıvanski adına Hərbi Liseyə qədər olan hissəsinin adı dəyişdirilərək "8 Noyabr” prospekti adlandırılıb.
Sfera.az xəbər verir ki, "Hərbi Qənimətlər parkı”nın yerləşdiyi bu prospektdə gələcəkdə "Zəfər” muzeyinin yaradılması məqsədəuyğun olacaq:
"Qeyd edilməlidir ki, bu prospektdə son illərdə geniş abadlıq-yenidənqurma işləri aparılaraq əhəmiyyətli dərəcədə dəyişikliklər edilib. Zığ sossesinin Cəmşid Naxçıvanski adına Hərbi Liseyə qədər olan hissəsinin də bu prospektə qatılması ilə onun uzunluğu 10 km-ə yaxın uzanıb və bununla da prospekt Bakı şəhərinin ən böyük prospektlərindən birinə çevrilib".
