Azərbaycan peyvəndlənmə prosesinə ən ciddi yanaşan ölkələrdəndir - MDB-də liderik

Regionda peyvəndləməyə başlayan ilk ölkələrdən biri olan Azərbaycan həm alınan vaksinin həcminə, həm də vaksin tətbiqinin sürətinə görə əksər ölkələri qabaqlayır. Belə ki, milli peyvəndləmə strategiyasına uyğun olaraq sifariş edilmiş 4 milyon doza CoronaVac vaksini vasitəsi ilə risk qruplarına aid şəxslərin peyvəndlənməsinə başlandı. Operativ Qərargahdan verilən məlumata görə, hazırkı dövrədək ölkəmizdə koronavirus infeksiyasına qarşı 547,541 nəfər peyvəndlənmə prosesində iştirak edib.

 
Pandemiyanın üçüncü dalğasının başlaması və müxtəlif mutasiyaların meydana çıxması həm infeksiyanın yayılma sürətini, həm də ölüm hallarını kəskin surətdə artırıb. Bu baxımdan, sərt karantin tədbirlərinin tətbiq edilməsinə ehtiyac yenidən artır. Ehtimal olunur ki, peyvəndləmənin daha sürətlə aparılması ölüm səviyyəsinin aşağı düşməsinə səbəb ola və stationar müalicə hallarını nisbətən azalda bilər. 

26 mart tarixinə kimi MDB məkanında peyvəndləməyə cəlb olunan insanların və vaksin dozalarının sayı isə belə hesab olunur:

Azərbaycan: 518 867 nəfər (əhalinin 5.2 faizi) 
Belarusiya: 20 000 nəfər (əhalinin 2 faizi) 
Qazaxıstan: 110 861 nəfər (əhalinin 0.6 faizi)
Moldova: 33 885 nəfər ( əhalinin 0.9 faizi)
Rusiya: 6 300 000 nəfər (əhalinin 4.3 faizi)
Ukrayna: 192 263 nəfər (əhalinin 0.4 faizi)

Göründüyü kimi, Azərbaycan peyvəndləmə səviyyəsinə görə  MDB ölkələri arasında lider mövqedədir. 

Qeyd edək ki, qonşu Gürcüstan 72 400 doza vaksin əldə etmək imkanına malik olduğu halda, hazırda ölkədə  cəmi 5 min nəfər peyvəndlənib. Ermənistanda isə peyvəndləmə hələ başlamayıb.

Azərbaycan həmçinin hər 100 nəfərə düşən peyvəndlənmiş adam sayına görə də liderlər sırasındadır, bu göstəriciyə görə yalnız Rusiyadan geri qalırıq. Təqdim olunan rəqəmlər Azərbaycanın əhalinin peyvəndlənmə prosesinə kifayət qədər ciddi yanaşmasının əyani sübutudur.

Tərcümə: Selcan
Sfera.az