Ermənilər hansı ölkələri özlərinə dost sayır? – Açıqlanan sorğu nəticələri və seçkilər

Sfera.az xəbər verir ki, bunu Milli Məclisin deputatı Sahib Alıyev deyib. O bildirib ki,  sorğuya əsasən, respondetlərin 62.9%-i Rusiya, 16.4%-i ABŞ, 6.4%-i isə Fransayla  müttəfiqliyi gücləndirməyin tərəfdarıdırlar və yenə də Minsk qrupuna həmsədrlik edənləri özlərinin əsas havadarı sayırlar:

"Qurumlara gəldikdə, onların  5.2%-i Avropa Birliyinə, 0.7%-i  NATO –ya üstünlük verirlər.  Kollektiv Təhlükəsizlik Müqaviləsi Təşkilatını müttəfiq gözündə görənlər isə cəmisi  0.2%-dir. Görünür, bu qurum Vətən Müharibəsində onların gözləntilərini doğrultmayıb, özbəklər, qazaxlar, qırğızlar, belaruslar, taciklər  "məğlubedilməz hay ordusu” adı altında gəlib yerlərinə vuruşmayıblar. Digərləri isə birinci Qarabağ savaşındakı qədər açıq və effektli dəstək göstərməyib, yaxud da göstərə bilməyib”.

"Ötən ay da eyni nəticə qeydə alınmışdı. Paşinyanın partiyasının müharibədə ağır məğlubiyyətdən sonra reytinqi azalsa da, o rəqiblərini yenə də dəfələrlə üstələyir. O biri qrupların sıralamasına nəzər yetirək:  Eks-prezidenti Robert Köçəryan – 5.9%, "Çiçəklənən Ermənistan” – 4.4 %, "Respublika Partiyası” – 2.4%, "Daşnaksütun Partiyası” – 2.1%, Vazgen Manukyanın lideri olduğu "Vətən Xilas Hərəkatı” – 1%, digərləri isə sıfırın altındadırlar. Bu nəticə o deməkdir ki, Nikol Paşinyanın partiyası iyundan sonra Ermənistan parlamentində yenidən çoxluğa malik olacaq. Sadəcə əsas sual budur: "Paşinyanın əldə edəcəyi səslər ona təkbaşına hökuməti formalaşdırmağa imkan verəcəkmi?”.  Bütün hallarda Nikol Paşinyan yeni hökumətin də əsas ortağı olacaq”.

 

 

Günay Rəsulqızı