Taksilərdə qiymət artımı ilə bağlı RƏSMİ AÇIQLAMA
13:03 / 01.04.2021
702
Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova bayram günlərində taksilərdə qiymət artımı ilə bağlı məsələyə münasibət bildirib.
Sfera.az-ın məlumatına görə, o qeyd edib ki, taksi sürücülərinin mövsümə və dəyişən tələb-təklifə uyğun şəkildə qiymətləri artırıb-azaltması qanunazidd əməl sayılmır:
"Qanunvericilikdə taksilərlə bağlı hər hansı vahid tarif standartı mövcud deyil. Bu, xidmət bazarına uyğun şəkildə fərdi və ya hüquqi şəxsin özü tərəfindən tənzimlənir. Ancaq Dövlət Avtomobil Nəqliyyatı Xidməti olaraq mütəmadi şəkildə taksi sürücülərinə şifahi xəbərdarlıq edirik və tətbiq ediləcək qiymətlərin istehlakçının ödəmə qabiliyyətinə uyğun olmasını nəzərə almalarını tövsiyə edirik”.
Türkan
Sfera.az
