Azərbaycanda reproduktiv yaşda olan qadınların sayı AZALIR

Bununla bağlı açıqlamanı Rusiya baş nazirinin müavini Tatyana Qolikova verib. O qeyd edib ki, son 10 ildə 20-29 yaş arasında olan qadınların sayı 37,5 faiz azalıb. Onun sözlərinə görə, hazırda Rusiyada 7,5 milyondan bir qədər çox sayda 20-29 yaş arasında olan qadın yaşayır. 

Sfera.az rəsmi statistikaya əsasən bildirir ki, ölkəmizdə 2019-cu ildə diri doğulan uşaqların 68,1 faizi 20-29 yaşda olan qadınlar tərəfindən dünyaya gətirilib. Yeni uşaq dünyaya gətirən analar arasında 30-34 yaşda olan qadınların sayı 15,5 faiz, 18-19 yaşda olanlar qadınlar isə 8,4 faiz təşkil edib. 

On il əvvəl dünyaya uşaq gətirən analar arasında reproduktiv yaşda olan qadınların sayı 70,6 faiz, 2000-ci ildə 66 faiz, 1990-cı ildə 74 faiz olub. 

Ölkəmizdə son 10 ildə 20-24 yaş aralığına olan analar arasında doğumun davamlı azalması müşahidə edilir. On il əvvəl doğulanların 42,6 faizi 20-24 yaş qrupundakı analar tərəfindən dünyaya gətirilirdisə, hazırda bu göstərici 36 faizə düşüb. Əvəzində 25-29 və 30-34 yaş qrupunda olan analar arasında doğum göstəricisinin yüksəlməsi qeydə alınıb. Son 10 ildə bu göstəricilər 25-29 yaşı olan analarda 28 faizdən 32 faizə, 30-34 yaşlı analarda isə 11,2 faizdən 15,5 faizə yüksəlib. 

Bu statistika onu göstərir ki, son 10 ildə uşaq dünyaya gətirən analar arasında gənclərin sayı azalır. 

Rəsmi statistikaya əsasən, ölkəmizdə də doğum üzrə yaş əmsalları pisləşir. On il ərzində 20-29 yaş qrupunda olan hər 1000 qadına düşən doğulanların sayı 300 min nəfərdən 248 minə düşüb. 

Azərbaycanda yeni doğulanların sayında azalma müşahidə edilsə də, bu sahədə vəziyyət Rusiyaya nisbətən xeyli yaxşıdır. Bununla belə son illərdə reproduktiv yaşda olan qadınların sayının azalması ölkəmizdə də müşahidə edilir. 

2010-cu ilə nisbətən 2020-ci ildə 20-29 yaşda olan qadınların sayı 7,5-8 faiz azalıb.  

2010-cu ildə ölkə əhalisinin, o cümlədən qadınların 19,5 faizi bu yaş qrupunda olduğu halda, 2020-ci ildə nisbət 16 faizə qədər geriləyib.