Son sərəncamlar nəqliyyat sektorunda hansı müsbət dəyişikliklərə səbəb olacaq? – Rəylər
13:48 / 31.03.2021
646
"Ən vacib gözləntilərdən biri təyyarə biletlərinin
qiymətinin azaldılmasına nail olmaqdır”.
Bu sözləri
Sfera.az-a açıqlamasında Azərbaycan Prezidenti İlham Əliyevin "Bakı
Metropoliteni” QSC, Azərbaycan Hava
Yolları QSC, Azərbaycan Dəmir Yolları
QSC, habelə "BakuBus QSC-nin idarəedilməsilə bağlı verdiyi sərəncamları dəyərləndirərkənMilli Məclisin deputatı Vüqar Bayramov deyib:
"Azərbaycan Prezidentinin sərəncamları ilə nəqliyyat
sektorunda fəaliyyət göstərən iri dövlət müəssisələri- "Azərbaycan Hava
Yolları”, "Azərbaycan Dəmir Yolları” və "Bakı Metropoliteni” Qapalı Səhmdar Cəmiyyətlərində
və eləcə də "BakuBus” Məhdud Məsuliyyətli Cəmiyyətdə Müşahidə Şuraları
yaradıldı. Şuralar sözügedən qurumların fəaliyyətinə ümumi nəzarəti və rəhbərliyi
həyata keçirəcək.
Əsas məqsədi həmin qurumların fəaliyyətlərində
səmərəliliyin artırılması olan Müşahidə Şuralarının yaradılması iqtisadi
islahatların bir elementi kimi xarakterizə olunmalıdır. Göründüyü kimi, iri
dövlət müəssisələrin idarəedilməsində yeni mərhələ başlayır. Sözügedən müəssisələrin
fəaliyyətinin daha səmərli təşkil edilməsi həmin sektorun inkişafının
dayanıqlığı baxımdan vacibdir”.
Deputat qeyd edib ki, postpandemiya dövründə
turist axınına nail olmaq üçün təyyarə biletlərinin qiyməti endirilməlidir: "Azərbaycan
Hava Yolları” (AZAL) fəaliyyəti ilə bağlı ən vacib gözləntilərdən biri də təyyarə
biletlərinin qiymətinin azaldılmasına nail olmaqdır. Təyyarə biletlərinin qiymətinin
yüksək olması ölkəyə gələn turistlərin sayına birbaşa təsir edir. Amma postpandemiya dövründə daha çox istiqamətlərdə
büdcə ucuşlarının sayının artırılması, eyni zamanda bilet qiymətlərinin aşağı
salınması prioritet məsələlərdən olmalıdır.
Turizmin inkişafı keyfiyyətli və aşağı qiymətli ucuşların sayından da
birbaşa aslıdır.
Bütövlükdə, yeni dövr islahatlarda əsas
strateji priortet məhz dövlət mülkiyyətində olan müəssisələrdə korporativ idarəetmənin
formalaşması və inkişafı olacaq”.
"Bu sərəncamlar sözügedən sahələrdə keyfiyyət
baxımından mühüm dəyişikliklərə səbəb olacaq”.
Bunu isə sayta
Milli Məclisin deputatı Elşad Mirbəşiroğlu bildirib: "Son illər Prezident İlham Əliyev tərəfindən
idarəetmənin çevikliyinin artırılmasına nail olmaq üçün mühüm islahatlar həyata
keçirilir. Xüsusən də 2019-2020-ci illər
bu mənada yadda qalan oldu. Kadr islahatları ilə yanaşı, bir sıra
institusional islahatlar da həyata keçirildi ki, bunlar da bir-birini tamamlamaqla bütövlükdə
dövlət idarəçiliyinin keyfiyyətinin əhəmiyyətli dərəcədə yüksəlməsinə təkan
verdi. 2020-ci ilin noyabrın 5-də Azərbaycan
İnvestisiya Holdinqinin fəaliyyətinin təmin edilməsilə bağlı Prezident tərəfindən
fərman verildi. Son sərəncamlar da məhz
həmin fərmanın icrasının təmin edilməsi istiqamətində atılan addımdır”.
Elçin
Sfera.az
