“Böyük dəbilqə” ikinci günə yekun vuruldu
İdman
00:22 / 28.03.2021
3592
Tbilisidə keçirilən və Azərbaycan komandasının da iştirak etdiyi "Böyük dəbilqə” turnirinin ikinci gününün yarışlarına yekun vurulub.
Sfera.az xəbər verir ki, aktivində 2 bürünc medal olan komandamız yekun nəticəyə görə 13-cü sırada yer alıb.
Bürünc medalları yığmamızın hesabına Kəramət Hüseynov (60 kq) və Murad Fətiyev (87 kq) yazdırıb. Medalların sayına görə, birinci pillədə 2 qızıl, 1 bürünc medalla Monqolustan komandası qərarlaşıb.
Martın 28-dək davam edəcək turnirdə 80 ölkədən 464 cüdoçu mübarizə aparır. Azərbaycan yarışda 11 idmançı ilə təmsil olunur.
