Azərbaycanlı ailə ABŞ-da hökuməti aldadaraq 7.4 milyon dolları necə ələ keçirdi? – Təfərrüat
13:10 / 23.03.2021
4107
Azərbaycanlı ailə ABŞ-da dələduzluq edib.
Sfera.az xəbər verir ki, Ohayo ştatında yaşayan 6 nəfərlik
ailə saxta əkinçilik müəssisəsi yaradaraq hökumətdən 7,4 milyon dollar
pandemiya krediti alıb.
Belə ki, yanvarın 25-də ailə üzvləri Günay Kələntərli
və Aydın Kələntərov Kaliforniyada həbs edilib. Məlum olub ki, onlar pandemiya səbəbilə
fermerlər üçün nəzərdə tutulan güzəştli kreditlərdən faydalanıb. Bunun üçün
saxta yollarla bir sıra yaşayış yerlərini əkinçilik ərazisi kimi göstərərək 7
milyon 447,4 min dollar məbləğində yardım alıblar. Ailə üzvləri kreditləri
almaq üçün 53 dəfə aidiyyəti qurumlara müraciət ediblər.
Ohayo əyalətinin rəsmisi Daniel Ballın verdiyi
məlumata görə, ailənin digər üzvləri Zaur Kələntərli, Nigar Kələntərli, Əli Kələntərli
və Kandi Rodriqez də pandemiya səbəbilə sahibkarlığa dəstək verən Kiçik Ticarət
İdarəsinə qarşı etdikləri dələduzluğa görə müvafiq maddələrlə ittiham
olunurlar.
Hazırda faktla bağlı istintaq davam edir.
Günay
Sfera.az
