Deputatdan ağır xəstəliyə düçar olan qızcığazla bağlı TƏSİRLİ PAYLAŞIM
Cəmiyyət
10:52 / 02.03.2021
588
Azərbaycan Respublikası Milli Məclisinin 50
saylı Abşeron-Qobustan seçki dairəsi üzrə VI çağırış deputatı Şahin Seyidzadə şəxsi facebook səhifəsində ağır xəstəliyə düçar olan
körpə Baharla bağlı təsirli status paylaşıb.
Sfera.az millət vəkilinin qızcığaz haqda
yazdıqlarını olduğu kimi təqdim edir:
"Baharın ilk yaşı.
Bu balaca qızın adı Bahardır. Hacıqabul
rayonunda yaşayır. Onunla qiyabi tanışlığımız qızcığaz 6 aylıq olarkən baş
verdi.
Azərbaycan Respublikasının Milli Məclisində təmsil
etdiyim #Abşeron rayonunun #Hökməli qəsəbə sakini Cavid Taglyevin üzvü olduğu "Sən də 10
AZN ianə et" komandası vasitəsi ilə balaca Baharı tanıdıq.
Baharın ürəyində ciddi problem vardı. Qısa
müddətdə əməliyyat edilməsi onun yenidən doğulması demək idi. Çətin əməliyyatın
baş tutması üçün komanda rəhbəri Ceyhun Haşımov və Cavid bəy ünvanıma müraciət
etmişdilər.
Artıq hər kəs Bahar üçün səfərbər olmuşdu.
Müvafiq olaraq tərəfimdən İcbari Tibbi Sığorta üzrə Dövlət Agentliyi və Tibbi
Ərazi Bölmələrini İdarəetmə Birliyinə (TƏBİB) müraciət ünvanlandı. Körpənin əməliyyatı
üçün lazım olan məhdud saylı ürək cihazlarından biri klinikaya çatdırıldı və
balaca Bahar əməliyyata girdi.
Baharın 1 yaşı tamam oldu. Bu münasibətlə
onunla görüşüb, əyani tanış olduq.
Selcan
Sfera.az
