Ermənistan İrana “Boeing-737” təyyarəsi verib - ABŞ Yerevana sanksiya tətbiq edəcək?
15:17 / 23.02.2021
1967
Ermənistanda qeydiyyatda olan "Boeing-737” sərnişin təyyarəsi naməlum şəraitdə İranda peyda olub.
Sfera.az bildirir ki, bunu beynəlxalq ekspert Suren Sarkisyan "Facebook" səhifəsində yazıb.
"O, İrana naməlum şəraitdə ya verilib, ya da satılıb. İrana qarşı beynəlxalq sanksiyaların tətbiq edilməsinə baxmayaraq, Ermənistanın aviasiya sahəsinin səlahiyyətli şəxslərinin bu təyyarəni qonşu dövlətə verməsi təəccüblüdür. Bir neçə gün əvvəl həmin "Boeing-737” Ermənistana enməli idi, ancaq Tehrana eniş edib. Xatırladıram ki, ABŞ qanunvericiliyinə əsasən, ABŞ istehsalı olan malları İrana satan və ya verən istənilən şirkətə, yaxud dövlətə rəsmi Vaşinqton sanksiya tətbiq edə bilər”, - ekspert vurğulayıb.
