Saakaşvilinin ofisinə hücum: Partiyanın sədri həbs olundu - VİDEO
11:15 / 23.02.2021
1228
Vahid Milli Hərəkat (BMM) müxalifət partiyasının lideri Nik Melia Gürcüstanda həbs olunub.
Sfera.az Gürcüstanın İctimai Televiziyasına istinadla xəbər verir ki, polis əməkdaşları onun ofisinə basqın ediblər. Melia tərəfdarları ilə birlikdə partiyanın Tiflisdəki ofisinin birində barrikada qurub, buna görə polis onu tutmaq və hücumla götürmək üçün əməliyyat keçirməli olub.
"Rustavi 2” təhlükəsizlik qüvvələrinin gözyaşardıcı qazdan istifadə etdiyini əlavə edib. Melia həbs olunub və təhlükəsizlik qüvvələri onu zirehli avtomobildə ofisin ərazisindən çıxarıb. Polislə qarşıdurma zamanı və bibər qazı istifadə etdikdən sonra yaralananların olduğu aydınlaşıb.
"Sputnik Gürcüstan”ın verdiyi məlumata görə, Melia 20 iyun 2019-cu il iğtişaşların təşkili işində iştirakına görə günahlandırılır. O, yenidən təyin olunmuş girovu ödəməkdən imtina edib. Prokurorluq ona istintaqa qədər həbs qətimkan tədbiri seçilməsini istəyib.
Xatırladaq ki, VMH 2001-ci ilin oktyabrında Mixail Saakaşvili tərəfindən qurulub. Partiya Gürcüstanın separatçı Abxaziya və Cənubi Osetiya respublikaları üzərindəki dövlət suverenliyinin bərpası üçün ölkənin NATO və Avropa Birliyinə üzv olmasını müdafiə edir.
(qaynarinfo)
