Bu dəfə Akopyanın bahalı geyimi tənqid olundu

Sfera.az xəbər verir ki, iki gün öncə müharibədə ölmüş əsgər ailəsini ziyarət edən Akopyanın geyimi tənqid olunub.

"Anna Akopyan dünyaca məşhur Fransız markası olan "Louis Vuitton"un bahalı şərfini taxaraq müharibədə öldürülmüş yoxsul erməni ailəsinə baş çəkdi. Deyilənə görə, bu adi görünən şərfin qiyməti 1000 dollara yaxındır.

Baş nazirin arvadı ölən hərbçinin ailəsini ziyarət etməzdən bir neçə gün əvvəl ad gününü qeyd etmək üçün gizli şəkildə ABŞ-a getmişdi. Bundan öncə yanvarın 14-də iki qızı ilə birgə Moskvaya gedərək orada bahalı restoranlarda və Böyük Teatrda əylənmişdi. Çox güman ki, Akopyanın boynundan asılan bahalı şərfi xaricdən alınıb. Onun yas içində olan yoxsul hərbçi ailəsinin evində bahalı brend geyimi ilə poz verməsi yersiz görünür...", - deyə erməni KİV-ləri növbəti dəfə hədəfə alıblar.