Universitet və kolleclərdə ənənəvi təhsilə başlanılır
00:31 / 15.02.2021
5660
Bu gündən ali və orta ixtisas təhsili müəssisələrində praktiki məşğələlər tələb olunan ixtisaslar üzrə tədris ənənəvi formada bərpa olunur.
Bu barədə Sfera.az-a Təhsil Nazirliyindən məlumat verilib.
Bildirilib ki, fevralın 15-dən ali və orta ixtisas təhsili və peşə təhsili müəssisələrində praktiki məşğələlər tələb olunan ixtisaslar (müvafiq laboratoriya və xüsusi təchiz edilmiş auditoriyalarda) və təhsilalanların fiziki iştirakını tələb edən fənlərin və mövzuların əvvəlcədən müəyyən edilmiş cədvəllər üzrə tədrisi (tibb, yaradıcılıq, mühəndislik və s.) ənənəvi formada bərpa edilir.
Qərar magistratura səviyyəsində təhsil alanlara da şamil olunur.
