Teymur Rəcəbov fransalı şahmatçıya qalib gəldi
İdman
00:00 / 14.02.2021
3753
Azərbaycan şahmatçısı Teymur Rəcəbov "Opera Euro Rapid” turnirinin üçüncü mərhələsində fransalı Maksim Vaşye-Laqrav ilə üçüncü yer uğrunda ilk görüşünü keçirib.
Sfera.az xəbər verir ki, şahmatçımız fransalı rəqibi ilə ilk partiyanı heç-heçə ilə başa vurub, ikinci partiyada inamlı qələbə qazanıb. Sonrakı oyunda məğlub olan şahmatçımız son partiyada üstün oyun nümayiş etdirməklə ümumi hesabda irəli çıxıb. Beləliklə, birinci matçda T.Rəcəbov 2,5:1,5 hesab ilə qələbə qazanıb.
Qeyd edək ki, fevralın 14-də cavab oyunları keçiriləcək. İki gün ərzində keçiriləcək oyunlarda qalib müəyyənləşməsə tay-breyk oynanılacaq.
Xatırladaq ki, Teymur Rəcəbov "Champions Chess Tour” seriyası çərçivəsində keçirilən ikinci - "Airthings Masters” turnirinin finalında Ermənistan təmsilçisi Levon Aronyanı məğlub edərək yarışın qalibi olub.
