Daha bir ölkə Qarabağın bərpasında iştirak etmək istəyir

Sfera.az xəbər verir ki, bu barədə Avstriyanın Avropa və Beynəlxalq İşlər Federal Nazirliyindən məlumat verilib.

Qeyd olunub ki, Avstriya çoxlu sayda müəssisə və mütəxəssisə malik olan iri bazar iqtisadiyyatıdır:

"Avstriya mədəniyyət və milli abidələr sahəsində çoxillik təcrübəyə malikdir. Hər bir ölkə öz irsinə diqqət ayırır, amma Azərbaycanda bu, xüsusi yer tutur. Ziyan dəymiş və ya dağıdılmış mədəni irsin restavrasiyası, konservasiyası və rekonstruksiyasına gəldikdə, qeyd etmək lazımdır ki, Bakıda İçərişəhərdə, müxtəlif məscid, hamam, şəhər divarları və Qız qalası üzərində avstriyalı mütəxəssis işləyir. Azad edilmiş rayonlarda ziyan dəymiş sahələrin çoxluğunu nəzərə alsaq, təbii ki, görülməli çox iş var".

Bundan başqa, nazirlikdən əlavə ediblər ki, 2021-ci ildə Azərbaycanla Avstiya arasında əməkdaşlığın prioritetləri ölkələrin uzun müddət birgə qət etdiyi sahələrdə, aparıcı sektorlarla investisiyalar, islahatların davam etdirilməsi və investisiyalar üçün hüquqi bazanın gücləndirilməsi olacaq.