Şuşa fəthi orta məktəb dərsliklərində - Ekspertdən təklif
11:30 / 28.01.2021
1713
44 günlük Vətən müharibəsi Azərbaycan tarixinin ən şanlı səhifələrindən
hesab olunur. Bu qürurverici tarixi hadisənin təqdimatı və gələcək nəsillərə ətraflı
şəkildə çatdırılması zəruri addımlardandır.
Xüsusilə Şuşa fəthi ilə bağlı təfərrüatların dərsliklərdə yer alması arzulanandır.
Maraqlıdır, bəs bu mövzular orta ümumtəhsil məktəblərində dərsliklərə
hansı formatda salınmalıdır?
Mövzu ilə bağlı Sfera.az-a danışan təhsil eksperti Kamran Əsədov Vətən
müharibəsi mövzusuna bütün fənnlər üzrə xüsusi yer verilməsinin vacibliyini
bildirib:
"Vətən müharibəsinin hər günü, hər
anı Azərbaycan vətəndaşının yaddaşına həkk edilməlidir. 44 günlük Vətən müharibəsi
şagirdlərimizə geniş şəkildə çatdırılmalıdır. Amma bu zaman bütün yük bir fənnin
üzərinə salınmamalıdır. Təhsil Nazirliyinin dərsliklərlə bağlı şöbəsi
informasiyaları dərsliklər arasında bölməlidir.
Orta ümumtəhsil məktəblərində məsələn, tarix dərsliyində Vətən müharibəsində
gedən döyüşlər, şəxslər barədə məlumat verilməldirsə, hərbi hazırlıq dərsində
döyüş taktikaları, istifadə edilmiş silahlar, onların növləri kimi məsələlərə
yer vermək lazımdır.
Sfera.az
Əzizə Zeynal
