Sibel Can 3-cü dəfə ərə gedir – FOTO + VİDEO
11:18 / 12.05.2016
1931
Məşhur türkiyəli müğənni Sibel Can ailə qurmağa hazırlaşır.
Oxu.Az Türkiyə KİV-nə istinadla xəbər verir ki, ifaçı altı ay əvvəl Monakoda tanış olduğu ingilis iş adamı ilə Ramazan bayramından sonra Fransada nikah masasına əyləşəcək.
Sibel Can tanınmış modelyer Nur Yerlitaşa sadə gəlinlik geyimi sifarişi verib.
Toy mərasimi Sibel Canın Fransanın turizm bölgəsi olan Cote d'Azurdakı evində keçiriləcək. Toya Canın yaxın ətrafından 40 nəfər qatılacaq.
Xatırladaq ki, Sibel Can 1988-ci ildə ailə qurduğu Hakan Uraldan 1999-cu ildə boşanıb.
Bu evliliyindən bir oğlu və bir qızı olan müğənni, 2000-ci ildə da iş adamı Sülhü Aksüt ilə ailəli olub. Canın 10 il davam edən bu evliliyindən də bir oğlu var.
