Co Baydenin oğlu ilə bağlı araşdırma başladı - Çindəki şübhəli əməliyyatlar

ABŞ Ədliyyə Nazirliyi, vergi araşdırması çərçivəsində Co Baydenin oğlu Hanterin Çindəki işgüzar münasibətlərini incələyir.

Sfera.az xəbər verir ki, bu barədə mənbələrə istinadən "Fox News” məlumat yayıb.

Sözügedən araşdırma nəticəsində Hanter Baydenin müxtəlif əcnəbi dövlətlərdən, eləcə də Çindəndaxil olan "şübhəli” əməliyyatlarla bağlı hesabatları müstəntiqlərin diqqətini cəlb edib.

Telekanalın məlumatına görə, istintaq hələ 2018-ci ildə başlayıb.

Qeyd edeək ki, dekabrın 10-u ABŞ-ın yeni prezidentinin oğlu ABŞ federal prokurorunun Delaver şatatı üzrə ofisinin onun vergi tarixçəsini araşdırmağa başladığını bildirmişdi. O, həmçinin günahsız olduğuna inandığını və vergi məsləhətçilərinin xidmətlərindən istifadə etdiyini də qeyd etmişdi.

Xatırladaq ki, sentyabr ayında ABŞ senatorları Ron Conson və Çak Qrasslinin hazırladıqları hesabatda bildirilirdi ki, Baydenin oğlu Hanter bir neçə il müddətində keçmiş Moskva Bələdiyyə başçısı Yuri Lujkovun dul xanımı Yelena Baturinadan pul alıb.

Özəlliklə də, rusiyalı qadının Hanter Baydenin həmtəsisçisi olduğu Amerikanın Rosemont Seneca Thornton LLC şirkətinin hesabına ümumilikdə 3,5 milyon dollar köçürdüyü məlum olub. 392 min dollar məbləğində 11 köçürmə adıçəkilən şirkətdən BAK USA LLC-nin hesabına keçib. Bütün bu ödənişlərin səbəbi kimi isə kredit müqaviləsi göstərilir.

Tərcümə: Selcan

Sfera.az