Dünya pandemiyaya qarşı peyvəndləməyə hazırlaşır
Dünyada Covid-19 virusuna qarşı bir çox ölkələrdə peyvəndləşmə siyasəti həyata keçiriləcək.
Sfera.azxarici KİV-nə istinadən xəbər verir ki, hər bir ölkə fərqli qruplarda peyvəndləşdirmə siyasətini həyata keçirməyi planlaşdırıb.
Fərqli peyvəndlər sifariş edən ölkələrin peyvəndləşmə siyasətləri də fərqli olacaq.
ABŞ- Əsasən səhiyyə işçiləri və qocalar evində yaşayan yaşlı insanların peyvənd ediləcəyinə qərar verilib.
Almaniya- Əvvəlcə yaşlılar və xüsusilə zəif müdafiə mexanizmləri olanlar, səhiyyə işçiləri və ictimai həyatın davamında vacib vəzifələri yerinə yetirənlər bu peyvəndlərdən yararlanacaq.
İngiltərə- İlk olaraq qocalar evlərinin sakinləri və işçiləri peyvənd olunacaq. Sonrakı mərhələdə kraliça 94 yaşı olduğuna görə, ikinci prioritet qrupundadır.
Fransa- Birinci mərhələdə yaşlılar və qocalar evi işçiləri, ikinci mərhələdə səhiyyə işçiləri və xroniki xəstəlikləri olanlar və 75 yaşdan yuxarı insanlar peyvəndlənəcək. Üçüncü mərhələ xalqa açıq olacaq.
Türkiyədəisə üç mərhələdə həyata keçiriləcəyi nəzərdə tutulub.
Mərhələ 1: Səhiyyə işçiləri, 65 yaşdan yuxarı, qocalar evində qalan yaşlı insanlar, izdihamlı yerlərdə yaşayan böyüklər.
Mərhələ 2: Əlliyaşdan yuxarı ən az 1 xroniki xəstəliyi olanlar. Cəmiyyətin fəaliyyəti üçün zəruri olan sektorlarda işləyənlər. Yüksək riskli mühitdə olanlar. Kritik işlərdə işləyənlər.
Mərhələ 3.Ölkənin digər vətəndaşları.
Jalə Mehdi
