\"Twitter\" Ceyhun Bayramovun hesabını blokladı
07:28 / 05.11.2020
3723
Hazırda xarici işlər naziri Ceyhun Bayramovun "Twitter" hesabına daxil olarkən bloklanma ilə bağlı məlumat göstərilir.
Sfera.az xəbər verir ki, müharibə şəraitində olan ölkənin XİN rəhbərinin hesabının bloklanması azərbaycanlı istifadəçilərin etirazına səbəb olub. Bununla bağlı yüzlərlə tvit atılıb.
O, Azərbaycana qarşı olan erməni təxribatı və siyasi fəaliyyəti ilə bağlı operativ olaraq məlumatlar paylaşırdı. Belə durumda XİN rəhbərinin hesabının bloklanmasının səbəbi qaranlıq olaraq qalır.
Qeyd edək ki, Ceyhun Bayramovun "Twitter"də 77 min izləyicisi var.
