“Ayda dağıntılar altından çıxarılarkən hönkür-hönkür ağladım” - Ərdoğan

Türkiyə Prezidenti Rəcəb Tayyib Ərdoğan 91 saat sonra dağıntılardançıxarılan 3 yaşlı Ayda Gezginin atasına zəng edib.

Sfera.az xəbər verir ki, Prezident balaca qızın atası Uğur Gezginə həyat yoldaşı Figen Gezginin zəlzələdə vəfat etməsi ilə əlaqədar başsağlığı verib.

Ərdoğan söhbət zamanı Aydanın dağıntılar altından çıxarıldığı zaman göz yaşlarına hakim ola bilmədiyini də dilə gətirib.

"Ayda dağıntılar altından çıxarılarkən hönkür-hönkür ağladım. Rəbbim səbrinizi artırsın. Aydanın sağlamlıq vəziyyəti haqqındatez-tez məlumat alıram. Bütün dəstəyimizlə sizin yanınızda olacağıq”,- deyə Prezident bildirib.

Xatırladaq ki, oktyabrın 30-u İzmirdə güclü zəlzələ nəticəsində 17 bina dağılıb. Hadisə nəticəsində 114 nəfər ölüb, 1000-dən çox insan xəsarət alıb. İndiyə qədər dağıntıların altında qalmış 107 nəfərin həyatı xilas edilib.

Jalə Mehdi

Sfera.az