"Netflix" Devid Bekhemə 16 milyon funt sterlinq ödəyəcək
14:00 / 31.10.2020
3030
"Netflix" şirkəti dünyaca məşhur ingilis futbolçu Devid Bekhemlə müqavilə imzalayıb.
Sfera.az xəbər verir ki, qlobal internet televiziya şəbəkəsi Devid Bekhem ailəsi və həyatına dair sənədli film çəkməyə hazırlaşır.
Yüzlərlə sənədli filmin yer aldığı internet platforması bunun üçün Bekhem ailəsinə 16 milyon funt sterlinq (təxminən, 35 milyon 200 min manat) ödəyəcək.
45 yaşlı Devid Bekhemin "Mançester Yunayted” günlərindən dünya ulduzuna çevirilməsinə, sahibi olduğu "Miami CF” klubu, həmçinin şəxsi həyatının detalları işıqlandırılacaq.
Filmdə Devid ilə həyat yoldaşı Viktoriyanın ilk tanışlıqları və sevgi münasibətlərindəki ən gözəl anlar da yer alacaq.
Bekhemin komanda yoldaşları - Kriştiano Ronaldo, Rayan Qiqs və Qari Nevil kimi məşhurların da filmdə iştirak etmək ehtimalının olduğu bildirilir.
Film 2022-ci ildə izləyicilərə təqdim ediləcək.
Jalə Mehdi
Sfera.az
