Məktəblərdə karantin deyil, tətil elan edilib - Emin Əmrullayev
Təhsil
11:29 / 16.10.2020
1475
Məktəblərdə karantin deyil, tətil elan edilib. Bu, o deməkdir ki, məktəb şagirdləri üçün bu və digər qaydada dərs keçirilmir.
Sfera.az xəbər verir ki, bunu Təhsil naziri Emin Əmrullayev bu gün keçirdiyi brifinqdə deyib.
Onun sözlərinə görə, noyabrda bir həftə tətil var idi: " Biz bu tətili digər tətil günləri ilə əvəzləşdirə biləcəyik".
Nazir bildirib ki, məktəblərin özlərində kütləvi yoluxma halına rast gəlinməyib. Onun sözlərinə görə, bu gün elan edilən tətildə tədris müddəti qısaldılmır:
"Bu tətil tədris ilinin azalmasına və şagirdlərin daha az müddətdə təhsil almasına səbəb olmayacaq. Şagirdlər bu gün olmayan təhsili qarşıdakı vaxtda alacaqlar".
