Ermənistan millisində koronavirus aşkarlandı, karantin qaydaları pozuldu
Dünya
11:45 / 15.10.2020
1104
Ermənistan yığması UEFA Millətlər Liqasının qrup mərhələsində IV turun Estoniya ilə səfər matçı öncəsi karantin qaydalarını pozub.
Sfera.az xəbər verir ki, oyun günü millinin nümayəndələrindən birində koronvirus aşkarlanıb.
Bua baxmayaraq, komanda üzvləri təcrid qaydalarına əməl etməyərək, Tallində fəaliyyət göstərən erməni kilsəsini ziyarət edib, həmçinin paytaxtda fəaliyyət göstərən "Ararat" klubunun oyunçuları və onların valideynləri ilə görüşüblər.
Yoluxma faktına görə, Ermənistan yığmasının oyun öncəsi mətbuat konfransı təxirə salınsa da, UEFA görüşün keçirilməsinə icazə verib.
Qeyd edək ki, Estoniya - Ermənistan qarşılaşması 1:1 hesablı heç-heçə ilə başa çatıb.
