İstanbulda ticarət mərkəzində baş vermiş atışmanın təfərrüatları məlum olub.

Oxu.Az Türkiyə mətbuatına istinadən verdiyi məlumata görə, vaxtilə "Metroport” ticarət mərkəzində çalışmış təhlükəsizlik əməkdaşı öz kürəkəni ilə mübahisə etdikdən sonra ona odlu silahdan atəş açıb.

Nəticədə həmin şəxs ağır yaralanıb. Sonra atəş açan şəxs özünü ayağından vurub.

Hər iki şəxsin xəstəxanaya yerləşdirildiyi, onlardan birinin vəziyyətinin ağır olduğu bildirilir.

15:35

İstanbulun ticarət mərkəzlərinin birində atışma baş verib.

Oxu.Az xəbər verir ki, bu barədə məlumatı Türkiyənin Hürriyyet qəzeti yayıb.

Məlumatda bildirilir ki, naməlum şəxs ticarət mərkəzində insanlara atəş açıb.

Ölən və yaralananlar barədə məlumat yoxdur. Hadisə yerində hüquq-mühafizə orqanlarının əməkdaşları işləyir.