“Ermənistanın atdığı raketlər beynəlxalq uçuşlara təhlükə yaradır” - AZAL
Ermənistan silahlı qüvvələri son günlər ərzində uzaqməsafəli təsir radiuslu raketlər tətbiq etməklə Azərbaycanın ərazisini intensiv atəşə tutmaqda davam edir ki, bu da Azərbaycanın hava məkanından keçməklə beynəlxalq uçuşlar həyata keçirən mülki hava gəmiləri üçün ciddi təhlükə yaradır.
Sfera.az
xəbər verir ki, bununla bağlı "Azərbaycan Hava Yolları” QSC məlumat yayıb.
Məlumatda
deyilir:
"Ermənistanın
mülki obyektlərə hücumu beynəlxalq humanitar hüquq normalarını, xüsusilə,
Cenevrə Konvensiyasının müddəalarını kobud şəkildə pozur. Bu hücumlar Ermənistan
tərəfindən dövlət səviyyəsində terror aktlarının həyata keçirildiyini bir daha
təsdiq edir.
Ermənistan
tərəfinin qanunsuz hərəkətləri bizi ciddi narahat edir və bütün dünya ictimaiyyətini
Ermənistanı bütün beynəlxalq qayda və normalara zidd olan bu cür addımlardan çəkindirməsinə
çağırırıq”.
