"O, hansı vətənə qayıdır, məgər bura onun vətənidir? – Prezidentdən Saakaşviliyə sərt sözlər

Gürcüstan Prezidenti Salome Zurabişvili Mixail Saakaşvilinin istəyi olarsa, ona Gürcüstan vətəndaşlığını qaytarıb-qaytarmayacağına aydınlıq gətirmək əvəzinə, eks-prezidentə vətənini müəyyənləşdirməyi məsləhət görüb.

Qeyd edək ki, 2015-ci ildə - Ukrayna pasportu aldıqdan sonra Saakaşvili Gürcüstan vətəndaşlığından məhrum edilib. Gürcüstan vətəndaşlığını yenidən almaq və ya bərpa etmək üçün isə siyasətçi prezident Salome Zurabişviliyə müraciət etməlidir.

Sfera.az RİA.Novosti-yə istinadla xəbər verir ki, Saakaşvilinin özü vətəndaşlığını məhkəmə yolu ilə qaytaracağını bildirib. Daha əvvəl isə Zurabişvili Saakaşviliyə Gürcüstan vətəndaşlığı verib-verməyəcəyi ilə bağlı suala mənfi cavab vermişdi.

Az əvvəl Saakaşvili Ukraynadan Gürcüstana qayıtdığını bəyan etmişdi. Keçmiş dövlət başçısı prezidentliyi dövründə bir çox səhvlərə yol verildiyini etiraf edərəkbildirmişdi ki, indi "ölkəsinə xidmət etmək" üçün kifayət qədər təcrübə qazanıb. Gürcüstan hökumətinin bir sıra nümayəndələri Saakaşvilinin açıqlamasını mənfi qiymətləndirmişdi, ədliyyə naziri Teya Tsulukiani isə eks-prezidentin sərhədi keçməyə cəhd etdiyi təqdirdə, dərhal sərhəd keçid məntəqəsində saxlanacağına söz vermişdi.

"O, hansı vətənə qayıdır, məgər bura onun vətənidir? Axı o, Ukraynanı da öz vətəni adlandırır. Buna görə də hələlik vətənini müəyyənləşdirsin, sonra ərizə verər. Əvvəlcə qoy xahiş etsin,yalnız o zaman qərar veriləcək. Hipotetik suallara isə cavab vermirəm.

O, mənə ərizə ilə müraciət etməyib və deyəsən heç belə bir fikri də yoxdur. Məncə, bütünbunlar daha çox fırıldağa oxşayır, amma bu onun şəxsi qərarıdır. Nəticənin necə olascağını isə gələcək göstərər.",-deyə Zurabişvili Rustavi 2 telekanalına vürdiyi müsahibədə bildirib.

Selcan

Sfera.az