Düşmən bu yolla da dezinformasiya yaymağa başladı - Hər kəsə gələ bilər - FOTO
Sentyabrın 27-də təmas xətti boyunca Azərbaycan Silahlı Qüvvələrinin mövqelərini və yaşayış məntəqələrimizi ağır artilleriyadan atəşə tutaraq mülki vətəndaşlarımız və hərbi qulluqçularımızı qətlə yetirən Ermənistana qarşı əks hücuma keçən Azərbaycan ordusu qarşısında aciz duruma düşən düşmən təxribatlara ara vermir.
Sosial şəbəkələrdə Azərbaycan adları altında saxta profillər açaraq dezinformasiyalar yayan ermənilər, azərbaycanlılar arasında təşviş, qorxu yaratmaq məqsədilə yalan məlumatlar tirajlamaq üçün növbəti platforma seçiblər. Düşmən bu dəfə azərbaycanlılara məxsus mail.ru poçt ünvanlarına azərbaycanlı adı ilə saxta ünvanlardan "Birabırçı vəziyyətdir, ermənilər hücuma keçiblər. Çox şəhidimiz və əsirimiz var. Orduda təşvişdir, tərəfimiz yalan məlumatlar yayır. Yazıq uşaqlar..." bu tip dezinformasiyalar yaymağa başlayıblar. Lakin bu o demək deyil ki, düşmənin bu tip dezinformasiyaları yalnız mail.ru vasitəsi ilə həyata keçiriləcək.
