DSX-nin Xüsusi Məktəbinə keçirilən imtahanın nəticələri açıqlandı
![DSX-nin Xüsusi Məktəbinə keçirilən imtahanın nəticələri açıqlandı](https://sfera.az/photo/orginal/2020/08/27/206692.jpg)
Təhsil
22:15 / 27.08.2020
3639
Dövlət İmtahan Mərkəzi Azərbaycan Tibb Universitetinin Hərbi Tibb Məktəbinin feldşer ixtisasına və Dövlət Sərhəd Xidməti Xüsusi Məktəbinin V sinfinə qəbul olmaq üçün bu gün – avqustun 27-də keçirilən imtahanların nəticələrini elan edib.
Mərkəzdən Sfera.az-a bildirilib ki, imtahanda iştirak edənlər aşağıdakı linklər vasitəsilə imtahan nəticələri və "cavab kartı”nın qrafik təsviri ilə tanış ola bilərlər:
Feldşer ixtisasına qəbul imtahanının nəticələri;
DSX-nin Xüsusi Məktəbinin V sinfinə qəbul imtahanının nəticələri.
İştirakçılar imtahanın nəticələri haqqında məlumatı, həmçinin mobil operator nömrələrindən "iş nömrəsi”ni 7727 nömrəsinə göndərməklə öyrənə bilərlər.
Feldşer ixtisasına qəbul imtahanında iştirakı nəzərdə tutulan 66 nəfərdən 3 nəfər, DSX-nin Xüsusi Məktəbinin V sinfinə qəbul imtahanında isə iştirakı nəzərdə tutulan 1150 nəfərdən 61 nəfər imtahana gəlməyib.
Qeyd edək ki, bu gün keçirilən digər 2 imtahan – Azərbaycan dili (dövlət dili kimi) və Sabah qruplarına qəbul imtahanlarının nəticələri də yaxın 2 gün ərzində elan olunacaq.