“Prezidentin həyata keçirdiyi islahatlar YAP-da da davam edir” – Millət vəkili
"Cənab Prezidentin həyata keçirdiyi islahatlar YAP-da davam edir. Yəni, bu proses hakim partiyada da gedir”.
Bu sözləri Sfera.az-a açıqlamasında deputat Ramil Həsənov deyib. Millət vəkili qeyd edib ki, həyata keçirilən islahatlar özünü hakim partiyada da göstərməkdədir:
"Yeni parlamentdə hakim partiyadan seçilən deputatlar arasında yeni, gənc, intelektual qabiliyyət və fəaliyyətilə seçilən yeni simalar var. Cənab Prezidentin həyata keçirdiyi islahatlar YAP-da davam edir. Yəni, bu proses hakim partiyada da gedir. Bununla bağlı müvafiq addımlar atılan zaman hər biriniz şahidi olacaqsınız.
Ölkə rəhbərinin verdiyi tapşırıq və təlimatlar hansı istiqamətdə olursa, partiya da öz siyasət və fəaliyyətini o istiqamətdə uyğunlaşdırır. Son dövrlər YAP-da bilavasitə partiyanın rəhbəri cənab Prezidentin xeyir-duası və təlimatları ilə müvafiq addımlar atılmaqdadır.Bundan sonra da Prezidentin verəcəyitapşırıqlara uyğun olaraq partiya daxilində də müvafiq addımlar atılacaq”.
