Operativ Qərargah brifinqlərlə bağlı iddialara aydınlıq gətirdi - FOTO

Nazirlər Kabineti yanında Operativ Qərargahın tibbi bölməsindən Sfera.az-a verilən məlumata əsasən, koronavirus infeksiyası ilə yoluxma halları, karantin rejiminn tələbləri nəzərə alaraq, bir məkanda çox sayda insanın toplaşmamasını təmin etmək məqsədilə Operativ Qərargahın brifinqlərinin təşkil edildiyi zal iki ayr-ayrı hissəyə ayrılıb. Brifinqə dəvət olunanların çıxışlarının, həmçinin KİV təmsilçilərinin sullarının verilməsinin zalın hər iki hissəsində yayımlanması üçün xüsusi monitorlardan və texnikadan istifadə olunur. Brifinqlərə dəvət olunan bütün şəxslərə məkana girişdə qoruyucu tibbi maskalar, əlcəklər təqdim edilir, zalda dezinfeksiya məhlulları qoyulur. Məkana daxil olan şəxslərin girişdə bədən hərarəti ölçülür. Zaldakı oturacaqlar brifinqdə həm KİV qarşısında çıxış edənlər, həm də media təmsilçiləri arasında müvafiq məsafə tələbinə riayət olunmaqla yerləşdirilir. Həmin oturacaqların arxasında dayanan, canlı yayımı və jurnalistlərin reportajları üçün lazım kadrların alınmasını təmin edən videoçəkiliş qrupları arasında da məsafənin gözlənilməsi üçün şərait yaradılıb. Belə ki, hər bir operator üçün yerlər xüsusi lentlərlə ayrılıb.

Brifinqə dəvət olunan çıxışçılar isə əvvəlcədən COVİD-19 ilə bağlı testdən keçir. Çıxışçılar zala daxil olarkən bir qayda olaraq mütləq tibbi maskalardan istifadə edirlər. Çıxışları zamanı isə rahat ünsiyyətin qurulması üçün həmin maskanı çıxardırlar, lakin onların masaları arasında lazımi məsafə gözlənilir. Onu da qeyd edək ki, brifinqlərin keçirildiyi məkan tədbirdən əvvəl hər dəfə dezinfeksiya edilir. Bura dəvət olunan media nümayəndələrinin mütəmadi COVİD-19 ilə bağlı müayinələrdən keçirilməsi də təmin olunur.