Adebayor Paraqvay klubundan ayrıldı

Emmanuel Adebayor fevralda transfer olduğu Paraqvayın "Olimpiya" klubundan ayrılıb.

Sfera.az xəbər verir ki, bu barədə klubun saytı məlumat yayıb. Koronavirusa pandemiyasına görə ölkəsi Toqoya qayıdan təcrübəli futbolçu Paraqvaya dönməyəcəyini kluba bildirib. 36 yaşlı hücumçu riskə getmək fikrində olmadığını qeyd edib.

Adebayor "Olimpiya"da 4 oyun keçirmişdi. Ulduz futbolçu "Mets", "Monako", "Arsenal", "Real", "Tottenhem", "Kristal Pelas", "Başakşəhər", "Kayserispor" kimi klublarda oynayıb.