Tovuz rayonunun orta məktəblərindən birində anlaşılmazlıq olub. 

Oxu.Az Region TV-yə istinadən xəbər verir ki, bir qrup valideyn məktəbdə müəllimin şagirdlərin saçını zorla qırxdığını iddia edib.

Valideynlər müəllimi şagirdə qarşı heç bir təlim-tədris qaydalarına sığmayan davranışda ittiham edirlər.

Kamera qarşısına keçmək istəməyən valideynlər bildiriblər ki, məktəbin dərs hissə müdiri Zeynəb Həsənova şagirdlərin saçını özü qırxıb.

Zeynəb Həsənova isə səslənən ittihamlarla razılaşmır. Rayon Təhsil Şöbəsi məktəbdə yaranan anlaşılmazlıqla bağlı xüsusi komissiya yaradıb.