Malidə hərbçiləri daşıyan karvan pusquya salınıb, 40 nəfər itkin düşüb

Malinin cənubundan hərbçiləri daşıyan karvanın pusquya salınması nəticəsində 40-dan çox hərbi qulluqçu itkin düşüb.

Sfera.az  xəbər verir ki, hadisə ötən gün Mavritaniya ilə sərhəd bölgədə baş verib.

Məlumata görə, əvvəlcə hərbçilərin olduğu bir neçə avtomobil partladılıb, daha sonra karvan iriçaplı silahdan atəşə tutulub.

Hava dəstəyinə baxmayaraq, pusquya düşmüş dəstə, ilkin məlumata görə, xeyli sayda itki verib. Hərbi bazaya yalnız 14 avtomobildən 4-ü qayıdıb. Qalan nəqliyyat vasitələri və 44 hərbi qulluqçu isə itkin düşüb.

Onların yerli terrorçu qruplaşmalar tərəfindən hücuma məruz qaldığı güman edilir.