Ölkə başçısının dəstəyi hər sahədə hiss olunur
Bildiyimiz kimi COVID-19 pandemiyası bütün dünyanı əsarət altına alıb. Çox təəssüflər olsun ki bu bəla bizim də ölkəmizdən yan keçmədi. Ölkəmizdə bir sıra qabaqlayıcı tədbirlər görüldü və görülməkdə davam edir. Belə tədbirlərdən biri də ölkəmizdə modul tipli xəstəxanaların tikilməsidir. Cənab Prezident İlham Əliyev təcili modul tipli xəstəxanaların tikilməsi üçün göstərişlər verdi və bu göstərişdən sonra ölkəmizdə təcili təxirəsalınmaz işlər görüldü . İlk Modul tipli xəstəxananın mayın 7-də Bakıda açılışı oldu. Bu açılışda Azərbaycan respublikasının prezidenti İlham Əliyev və birinci xanım Mehriban Əliyeva iştirak edib. Dövlət başçısı İlham Əliyevə və birinci xanıma tibb müəssisəsində yaradılmış şərait haqqında məlumat verilib. Modul tipli xəstəxana ilə tanışlıqdan sonra Prezident İlham Əliyev və birinci Xanım Mehriban Əliyeva tibb işçiləri ilə görüşüb və onlara öz tapşırıq və tövsiyələrini verib,Prezidentimiz həkimlərimizin bu çətin işdə göstərdikləri şücaəti yüksək qiymətləndirir və onların bu əziyyətlərinin təqdirə layiq olduğunu bildirib. Ölkə başçımız bildirib ki, belə xəstəxanaların tikilməsi davam etdiriləcəkdir.
Qeyd edim ki, bu açılışdan sonra iyunun 9 -da daha belə 3 xəstəxananın açılışı olub. Bu xəstəxanalar paytaxtın Bilgəh qəsəbəsində, Sumqayıt şəhərində və Abşeron rayonunun Saray qəsəbəsində quraşdırılmışdır. Bu COVID-19 pandemiyasının ölkəmizdə yayılması ilə mübarizədə olduqca mühüm əhəmiyyət kəsb edir. Prezident İlham Əliyev bu açılışdakı çıxışında bildirmişdir ki, bu xəstəxanaların sayı 10-a çatmalıdır . 10 xəstəxananın 4-nu özəl sektor öz hesabına inşa edəcək . Beləliklə dövlətin üzərindən yük bir qədər azalacaq. Ölkə başçımız hər sahədə olduğu kimi, tibb sahəsində də əlindən gələni əsirgəmir. Bu çətin pandemiya dövründə ölkə başçımız daim xalqın yanindadır. Hər sahədə olduğu kimi tibb sahəsində də çox sayda gənc həkimlərimiz çalışır. Bu da Ölkə başçımızın gənclərə olan dəstəyi deməkdir.
Nəsimi rayon gənci, Bakı Qızlar Universitetinin Tələbə Gənclər Təşkilatının sədr müavini Cəfərzadə Məftunə
