Pandemiyaya qarşı mübarizədə vətəndaşların sağlamlığı ən önəmli məsələdir
12:55 / 05.06.2020
1894
Bildiyimiz kimi, hazırda dünyanın ən böyük problemi olan koronavirus
pandemiyasının qarşısının alınması məqsədilə bütün dövlətlər qabaqlayıcı tədbirlər
görür, virusun təsirinin azaldılması üçün addımlar atırlar. Bütün dünyanı cənginə
alan bu pandemiya təssüflər olsun ki, ölkəmizdən də yan keçməyib. Lakin
Prezidentimiz İlham Əliyev Cənablarının çoxsaylı qərarları sayəsində ölkəmiz bu
bəladan çox az xəsarətlə çıxmaqdadır. Azərbaycanda koronovirus pandemiyasının
qarşısının alınması üçün ölkə başçısı tərəfindən görülən tədbirlər təqdirəlayiqdir.
Koronavirusa qarşı mübarizədə imzalanan sərəncamlar, həyata keçirilən operativ
və təxirəsalınmaz tədbirlər nəticəsində ölkəmiz koronavirus pandemiyasına qarşı
səmərəli mübarizə aparır.
Prezidentimizin "Biz birlikdə güclüyük!” çağırışı ilə bu təhlükəli infeksiyaya
qarşı mübarizədə Azərbaycan xalqı özündə daha da məsuliyyət hiss edərək milli
həmrəyliyə, hər cür fədakarlığa hazır olduğunu nümayiş etdirdi. İlham Əliyev
cənabları pandemiyaya qarşı mübarizədə hər zaman vətəndaşların sağlamlığını ön
planda tutmuşdu. Bu səbəbdən də bir sıra önləyici tədbirlər görülmüşdü.
Vətəndaşların sağlamlığını düşünərək ölkə ərazisində xüsusi karantin rejimi tətbiq
edilmiş, Koronavirusla Mübarizəyə Dəstək Fondu yaradılmış, vətəndaşların sosial
müdafiəsi gücləndirilmişdi. Azərbaycanda koronavirus xəstələrinin müalicəsi üçün
20-dən artıq xəstəxana ayrılmışdır. Testlərin aparılması üçün ölkədə 23
laboratoriya fəaliyyət göstərir. Prezident İlham Əliyev daxili tələbatı ödəmək üçün
qısa müddət ərzində qoruyucu və digər tibbi ləvazimatların istehsalına başlanılması
haqqında göstəriş vermiş, əhalinin tibbi ləvazimatlara olan ehtiyacı təmin şəkildə
ödənilir.
Əhali arasında virusa yoluxma sürətinin aşağı düşməsini, xəstələrin sağalma
dinamikasını nəzərə alaraq, xüsusi karantin rejimindən çıxış planı mərhələli şəkildə
həyata keçirilirmişdi. Lakin son zamanlar əhalinin karantin rejiminə riayət
etməməsi səbəbindən ölkə ərazisində sağalanlarla virusa yoluxanların sayı arasında
kəskin fərq ortaya çıxdı. Bu səbəbdən də karantin rejiminin gücləndirilməsi
məsələsi yenidən gündəmə gəldi. Ölkə başçısı əhalini karantin rejiminə ciddi əməl
etməyə çağırır. Hətta Cənab Prezident İlham Əliyevin 03.06.2020-ci il tarixində
Tərtər rayonunda Dövlət Rəmzləri muzeyinin açılışında tibbi maskadan istifadə
etməsi hər bir vətəndaş üçün nümunə olmalıdır.
Ümid edirik ki, hər bir Azərbaycan vətəndaşı prezidentin bu çağırışına əməl
edərək, öz sağlamlığını düşünərək addım atacaqdır.
