Məleykə Abbaszadə imtahanlara koronavirusla bağlı sualın salınmasına münasibət bildirib
![Məleykə Abbaszadə imtahanlara koronavirusla bağlı sualın salınmasına münasibət bildirib](https://sfera.az/photo/orginal/2020/05/07/219370.jpg)
20:30 / 07.05.2020
3620
Dövlət İmtahan Mərkəzinin (DİM) Direktorlar Şurasının sədri Məleykə Abbaszadə imtahanlarda biologiya fənnindən imtahanlara koronavirusla bağlı sualların salınması məsələsinə münasibət bildirib.
Sfera.az xəbər verir ki, DİM sədri jurnalistlərə açıqlamasında yuxarı siniflərdə hər zaman viruslarla bağlı dərslər keçildiyini xatırladıb.
O bildirib ki, koronavirus da virusların yeni növüdür: "IX sinif dərsliyində insan özünü virus xəstəliyindən necə qoruya bilər sualı var. Koronavirusdan insan özünü necə qorunmaq lazımdır sualı yazılsa, burda nə qəbahət olar? Mövzular imtahana salınır, amma hansı sualların düşməsi barədə məlumatınm yoxdur. Bunlar məndən asılı deyil. Amma bu mövzular var".