“Barbi”yə oxşamaq üçün 500 min xərcləyib... - Fotolar

ABŞ-ın Ohio ştatında yaşayan Nannette Hammond sosial şəbəkələrdə fenomenə çevirilib.

"Qafqazinfo” The Daily Mail-ə istinadən xəbər verir ki, 42 yaşlı qadın "Barbi” gəlinciklərinə bənzəmək üçün 500 min dollar xərcləyib.

5 övlad anası olan Hammond 70 yaşına kimi plastik əməliyyat etdirəcəyini söyləyib.

Nannette "Barbi” kimi görünmək üçün paltar, saç və makiyajına da minlərlə dollar xərcləməkdən çəkinmir. O, bu günə qədər üç dəfə sinə əməliyyatı, dodaq plombu, botoks, yarı qalıcı makiyaj kimi bir çox yollara əl atıb.

"Barbi”nin əvvəlki görünüşü ilə indiki arasında fərq hər kəsi təəccübləndirib.  27 min izləyicisi olan Hammondun fotolarını həyat yoldaşı Dave Hammond çəkir.

Nannette Hammond görünüşündən xeyli məmnun olduğunu bildirib:

"Bilirəm, digər analar arxamdan dedi-qodu edirlər, amma onları ciddiyə almıram. Mənim haqqımda istədiklərini düşünə bilərlər, bu məni narahat etmir. Həyat yoldaşım və uşaqlarım bu görünüşümdən razıdırlar. Sadəcə olaraq insanların mənfi şərhləri övladlarıma təsir edir”.