Azərbaycana yaxın şəhər virusa görə qapadıldı
22:30 / 04.05.2020
5149
Rusiyada koronavirusla bağlı vəziyyət yaxşı deyil. Son günlər sutka ərzində yoluxma sayı 10 mindən aşağı düşmür. Rusiya bu göstəriciyə görə yalnız ABŞ-dan geri qalır.
Sfera.az xəbər verir ki, Azərbaycana yaxın şəhər virusa görə qapadılıb. Dağıstanda yerləşən Xasavyurt respublikanın qalan hissəsindən təcrid olunub. Şəhərə giriş və çıxış qadağan edilib. Hətta şəhərin daxilində də nəqliyyatın hərəkəti yasaqlanıb. Küçələrdə yalnız fövqəladə hallarda işləməsi nəzərdə tutulan avtomobillər görünə bilər. İnsanlardan da evdən çıxmamaq tələb olunur.
Dağıstanda indiyə qədər 1958 yoluxma halı qeydə alınıb. Xəstələrdən 13-ü həyatını itirib.
Rusiyada virusa yoluxanların sayı 145 min nəfəri keçib. Qonşu ölkədə 1356 nəfər pandemiya üzündən ölüb. (bizimyol.info)
