Məmur koronavirusdan həlak olan həkimlərin adlarını oxuyarkən göz yaşlarını saxlaya bilmədi - VİDEO
19:30 / 28.04.2020
5631
İspaniya Səhiyyə nazirinin müavini Veronika Kasado koronavirus pandemiyası ilə mübarizə apararkən vəfat etmiş həkimlərin adlarını oxuyan zaman göz yaşlarını saxlaya bilməyib.
Sfera.az xəbər verir ki, video "ABC News” telekanalının "Twitter” hesabında yayımlanıb.
Ətrafdakı həmkarları ondan siyahının oxunmasını dayandırmağı xahiş etsələr də, V.Kasado bildirib ki, adları sona qədər sadalamağa borcludur.
Qeyd edək ki, İspaniyada 232 128 şəxsin koronavirus testi müsbət çıxıb, 23 822 nəfər pandemiyanın qurbanı olub. 123 mindən çox ispaniyalı isə xəstəlikdən sağala bilib.
