“Biz burda işləyirik ki, siz evdə qalıb kef çəkəsiniz” - Faiq Ağayev + Video
Xalq artisti Faiq Ağayev Xəzər telekanalında yayımlanan "5-də 5” proqramının qonağı olub.
Sfera.az xəbər verir ki, sənətçi koronavirusa görə anası ilə görüşmədiyini bildirib: "Anamın 76 yaşı var. Novruzdan sonra onu görməmişəm. Maska və əlcəyimi taxıb qapının zəngini basıram, ona lazım olan bazarlığı qapının ağzına qoyuram. Uzaqdan bir-birimizə əl yelləyib salam veririk. İnternet vasitəsilə görüntülü əlaqə saxlama imkanımız var".
Müğənni küçəyə çıxan yaşlı insanları qınayıb: "Yaşlı insanlar, niyə küçəyə çıxırsız? Niyə sizi polis tutub evə aparmalıdı? Hamı inanır ki, başına bu iş gəlməyəcək. Virus rəngi, dadı, qoxusu olan bir şey deyil, yoluxub-yoluxmayacağını necə bilə bilərsən? Evdən çıxmayın, biz burda işləyirik ki, siz evdə qalıb kef çəkəsiniz. Oturun, kef çəkin". (yeni sabah)
