“Qiymətdə 1 manat güzəşt etmirdilər...” – Rövşanə müğənniləri qınadı

Tanınmış teleaparıcı Rövşanə Ağasəfqızı azərbaycanlı müğənniləri qınayıb. 

Sfera.az xəbər verir ki, aparıcı bu haqda sosial şəbəkə hesabından paylaşım edib və yerli ifaçıları heç kəsə əl tutmamaqla ittiham edib. O, türkiyəli sənətçiləri örnək göstərib. "Seda Sayan 360 ailəyə dəstək oldu. Xoşbəxt vaxtlarımızda toya 10-15 minə gedənlər var idi. Bizimkiləri deyirəm. Qiymətlərini 1 manat da aşağı salmırdılar. 2 ailəyə dəstək olan kimisə tanıyırsınızsa, adını yazsın, biz də alqış edək”. 

Qeyd edək ki, Türkiyənin tanınmış sənət adamları koronavirus üzündən işsiz qalmış ailələrə maddi yardım edir. Onların arasında Gülbən Ərgən, Murat Boz, Can Yaman, Mərvə Özbəy, Seda Sayan, Haluk Levent və başqaları var. Murat Boz 1000 ailənin 2 aylıq qida ehtiyacını ödəmək üçün 280 min lirə (73 min manat) xərcləyəcək. (yeni sabah)