“Böyüklərimizi qoruyaq!” adlı aksiya uğurla davam etdirilir

 

Qərargahın yaradılmasında əsas məqsəd Abşeron rayonu ərazisində yaşayan və yaşı 65-dən yuxarı olan tənha vətəndaşları sosial qayğı ilə əhatə etmək, onlara sosial-məişət xidmətləri, o cümlədən ev təsərrüfatı ilə bağlı işlərdə, əsas təlabat mallarının, dərman vasitələrinin alınmasında, kommunal ödənişlərin edilməsində və sair işlərdə lazimi köməklik göstərilməsidir. Könüllülərin və "Azərmaş” ASC-nin yaxından dəstəyi ilə həyata keçirilən aksiya zamanı vətəndaşlara öz evlərində ödənişsiz sosial xidmətlər göstərilib. 

Belə ki, bu gün qərargaha 8 çağırış edilib. Onlardan Quliyeva Yaqut Mamed qızı (88 yaş, Xırdalan şəhəri) çörək və dərman vasitələri ilə təmin edilib. Abbasov Rafiq Bəylər oğlu (Xırdalan şəhəri) isə pensiya kartından vəsaitin çıxarılmasını istəyib.  Tağıyev Novruz Kazım oğlu (73 yaş, Mehdiabad qəsəbəsi), Əliyeva Sədaqət Dadaş qızı (Mehdiabad qəsəbəsi), Bağırova Lətafət Səməd qızı (Mehdiabad qəsəbəsi), Abbasova Olya alı qızı (Mehdiabad qəsəbəsi), Hətəmova Hafizə Qubad qızı (Mehdiabad qəsəbəsi), Quliyev Bəxtiyar  Paşa qızı (Görədil kəndi) isə ərzaq məhsulları və digər sosial xidmətlərin göstərilməsini xahiş edib. Onların hər birinin yaşadığı ünvana gedilərək lazimi xidmətlərlə təmin edilib.

Məlumat üçün bildirək ki, "Böyüklərimizi qoruyaq!” sosial aksiyası xüsusi karantin dövründə yaşı 65-dən yuxarı olan tənha Sosial xidmətçi və Təhsil Nazirliyinin Bir Könüllü proqramının tələbə-könüllüləri çağrı mərkəzinə edilən müraciətlər əsasında ünvanlara daha tez, rahat getmək və kömək göstərilməsi işlərini operativ icra etmək üçün ödənişsiz taksi xidmətindən istifadə olunur.

Müraciət üçün: 142 Çağrı mərkəzi (İş saatı həftə içi hər gün 10:00 - 16:00)

#böyüklərimiziqoruyaq #Covid19 #coronavirus #koronavirus #evdəqal #birkönüllü