Azərbaycan Kubokunda yarımfinalçılar müəyyənləşir: sensasiya olacaq?

Azərbaycan Kubokunda yarımfinalçılar müəyyənləşir: sensasiya olacaq?

Bu gün Azərbaycan Kubokunun 1/4 final mərhələsinin cavab görüşləri keçiriləcək.

Sfera.az apasport.az-a istinadən bildirir ki, yarımfinalçılar hamısı eyni gündə müəyyənləşəcək.

 
Qarşılaşmalardan ikisi Bakıda, digər ikisi isə paytaxtdan kənarda baş tutacaq. Günə "İnter Arena"da start veriləcək. İlk oyunda gözlənilmədən "Rəvan"a uduzan "İnter" öz meydanında bu nəticənin təsadüf olduğunu sübut etməlidir. Premyer Liqada da mükafatlara iddialı olan "bankirlər"ə evdə minimal hesablı qələbə də bəs edəcək. Zaur Svanadzenin yetirmələri yarımfinala çıxa bilməsələr, bu, mərhələnin əsas sensasiyası olacaq.
 
Eyni vaxtda başlayacaq digər iki oyunda "Sumqayıt" "Qarabağ"ı, "Qəbələ" isə "Zirə"ni qəbul edəcək.
 
Ağdamlılar "gənclik şəhəri"nə doğma meydanda qazandıqları 2:0 hesablı qələbənin rahatlığı ilə yollanacaqlar. Qurban Qurbanovun yetirmələrinin bu şansı əldən buraxması inandırıcı deyil. Premyer Liqanın liderinin autsayderə böyük hesabla uduzması möcüzəyə bərabər ehtimaldır.
 
"Qarabağ"dan fərqli olaraq "Qəbələ" isə "Zirə" ilə oyunda səfərdə qazandığı qələbəyə arxayındır. Premyer Liqanın debütantı əyalətdə ən az 2 top fərqi ilə qalib gəlməlidir. Adil Şükürovun yetirmələrinin bunu bacaracağı az inandırıcıdır. Ayrıca, çempionatda ikinci pillə uğrunda mübarizə aparan rəqiblərin növbəti turda bir-biriləri ilə qarşılaşacaq olması da oyuna əlavə rəng qatır.
 
Sonuncu yarımfinalçı isə "Böyük oyun"da bəlli olacaq. Çempionatda tarixinin ən uğursuz dövrünü yaşayan iki komandanın ötən həftə Lənkəranda baş tutan duelində meydan sahibləri qalib gəlmişdilər. "Cənublular" bu üstünlükdən istifadə etməyə çalışacaqlar. Baş məşqçi Əsgər Abdullayevi istefaya yollayan "Neftçi"ni isə həlledici oyuna Vəli Qasımov çıxaracaq. Baş məşqçi postunda debüt edəcək 48 yaşlı çalışdırıcı futbolçu kimi formasını geydiyi komandanı seriyasını davam etdirməyə daşımalıdır. Ardıcıl 4 il finalda oynayan "ağ-qaralar" mübarizəni dayandırsalar, bu rekord seriyası ilə vidalaşmalı olacaqlar.
 
Azərbaycan Kuboku
1/4 final, cavab qarşılaşmaları
9 mart (çərşənbə)
 

14:00. "İnter" - "Rəvan"
Hakimlər: Ramil Diniyev, Azər Əsgərov, İsgəndər Əliyev, Fariz Yusifov
AFFA nümayəndəsi: Sakin Məmmədzadə
Hakim-inspektor: Şahin Cəfərov
"İnter Arena"
İlk oyun - 1:2
 

15:00. "Sumqayıt" - "Qarabağ"
Hakimlər: Ömər Paşayev, Mehman Mahmudov, Vüqar Bayramov, Ziya Nəsirov
AFFA nümayəndəsi: Vaqif Davudov
Hakim-inspektor: Murad Məmmədov
Mehdi Hüseynzadə adına Sumqayıt şəhər stadionu
İlk oyun - 0:2

15:00. "Qəbələ" - "Zirə"
Hakimlər: Rauf Cabbarov, Knyaz Əmiraslanov, Coşqun Həsənov, Rəvan Həmzəzadə
AFFA nümayəndəsi: Abbas Hüseynov
Hakim-inspektor: Məhəmməd Məmmədov
Qəbələ şəhər stadionu
İlk oyun - 2:1
 
17:30. "Neftçi" - "Xəzər Lənkəran"
Hakimlər: Rəhim Həsənov, Namiq Hüseynov, Yaşar Abbasov, Orxan Məmmədov
AFFA nümayəndəsi: Ramiz Mustafayev
Hakim-inspektor: Xaqani Məmmədov
8-ci km qəsəbə stadionu
İlk oyun - 2:3


OXŞAR XƏBƏRLƏR

13 yaşlı Aysun Gəncədə tapıldı

Tovuzda itkin düşən məktəbli tapılıb.   Bu barədə Sfera.az-a Daxili İşlər Nazirliyinin (DİN) mətbuat xidmətinin Gəncə regional qrupunun baş inspektor...

Tramp administrasiyasının tarifləri məşhur brendlərin səhmlərini çökdürdü

3 aprel 2025-ci ildə ABŞ Prezidenti Donald Trampın Vyetnam, İndoneziya və Çin məhsullarına yeni tariflər tətbiq etməsindən sonra “Nike”, “Adid...

Dollar kəskin UCUZLAŞDI

ABŞ prezidenti Donald Tramp hesab edir ki, yeni gömrük rüsumlarının tətbiqi ölkə iqtisadiyyatına 6-7 trilyon dollarlıq investisiya axınına səbəb olacaq. &nbs...

“Xəbər gəldi ki, başı pozulub” - Məktəbdəki hadisənin təfərrüatı

Xəbər verdiyimiz kimi, 26 yaşlı Əfsanə Rzayeva kəsici-deşici alətlə məktəbə gələrək övladını döyməyə cəhd edib və onu sakitləşdirmək istəyən müəllimə xəsarət ye...

Türkiyədə dönərdən zəhərlənənlərin sayı 600-ü ötdü

Türkiyənin Kocaeli vilayətində toyuq dönərindən zəhərlənənlərin sayı 648 nəfərə çatıb.   Sfera.az-ın xəbərinə görə, ümumilikdə 648 nəfər vilayətin xə...

Deputat vətəndaş qəbulu keçirdi - FOTO

Milli Məclisin deputatı Qaya Məmmədov Suraxanı rayonunda növbəti vətəndaş qəbulu keçirib.   Sfera.az xəbər verir ki,  görüşdə iştirak edən yerli...