8 il sonra “Tarqovu”da - Fotolar

"8 il sonra ilk dəfədir ki, "Tarqovu”da gəzirəm”.

"Qafqazinfo”nun məlumatına görə, bu sözləri yolüstü söhbət zamanı müğənni Natavan Həbibi deyir.

Xatirələrini bölüşən müğənni bildirib ki, uşaqlığı Nizami küçəsində keçib:

"Təxminən 2008-ci ilə kimi bu küçədəki binada yaşayırdım. Öz evimiz idi, ev kiçik olduğu üçün köçməli olduq. O evdən köçdükdən sonra bir dəfə də olsun ki, "Tarqovu”ya gəlməmişəm, buralar üçün çox darıxmışam. Nizami küçəsi ən sevdiyim küçələrdən biridir. Uşaqlıq xatirələrim bu küçələrdə gizlənir, elə xalamgil də Sahil metrosunun üstündə qalır. Evimizi hələ satmamışıq, kirayə vermişik”.

Sənətçi elə bu məqamda bayaq bəhs etdiyi xalası oğlu ilə qarşılaşır və onu bizimlə tanış edir:

"Elə bayaq dedim ki, xalamgil burda qalır. İndi görüşdüyüm də xalamın oğludur. Uşaqlıq vaxtlarım yadıma düşür, həmişə burada bir gəzirdik”.

Vitrinlərə göz atan Natavan deyib ki, Azərbaycanda alış-veriş etmir:

"Xaricdə ancaq mağazaları gəzmək üçün çıxıram. O geyim mağazalarında nə görürəmsə, alıram. Bakıda isə bir az qənaət edirəm. Nə geyim olsa ya bacımı, ya da köməkçimi göndərirəm”.